જમ્મુના કઠુઆમાં આંતકીઓને ઘૂસાડવા પાકિસ્તાને રોકેટ અને ગ્રેનેડ ઝીંક્યા - કાશ્મીરમાં હિઝબુલ ફરી સક્રિય : આતંકીઓનો વીડિયો સોશિયલ મીડિયામાં વાયરલ

Gujarat Patel Group

( Follow Us :-  Face Book, Linked In, Twitter, Google +, Yahoo Group,  Blog, Website, )

Good News Gujarat Patel Group Create Android App Download Chick Here Server 1, Server 2, Server 3,(*Free Earn Tack Time Click Here to Download App*)

જમ્મુના કઠુઆમાં આંતકીઓને ઘૂસાડવા પાકિસ્તાને રોકેટ અને ગ્રેનેડ ઝીંક્યા

- રજૌરીમાં એલઓસી નજીક તોપમારો કરીને પાક.નો ફરી શસ્ત્રવિરામ ભંગ

ભારતીય સેનાએ પેરા બોમ્બ ફેંકીને આખા વિસ્તારમાં અજવાળું કરતા જ આતંકીઓ ઊભી પૂંછડીએ ભાગ્યા 

પાક. સેના અંધારાનો લાભ લઈ એકસાથે છ આતંકવાદી જૂથને ઘૂસાડવા માગતી હતી

ઘૂસણખોરી વખતે પાક. સેનાના વાહનોમાંથી ભારત તરફ રોકેટ-ગ્રેનેડ ઝીંકાતા હતા 

(પીટીઆઈ) જમ્મુ, તા.૨૦ ઓક્ટોબર, ૨૦૧૬

પાકિસ્તાને ગઈ રાત્રે ફરી એકવાર રજૌરી જિલ્લામાં લાઈન ઓફ કંટ્રોલ પર ભારે તોપમારો કરીને શસ્ત્રવિરામ ભંગ કર્યો છે. શિયાળો આવતા જ પાકિસ્તાની લશ્કર તરફથી સરહદ પર શસ્ત્રવિરામ ભંગમાં તેજી આવી જાય છે. આમ કરીને તેઓ ભારતીય જવાનોનું ધ્યાન ભટકાવવાનો પ્રયાસ કરીને આતંકવાદીઓને ઘૂસણખોરીમાં મદદ કરે છે. 

બોર્ડ સિક્યોરિટી ફોર્સે જણાવ્યું હતું કે, પાકિસ્તાને આંતરરાષ્ટ્રીય સરહદે ભારે તોપમારો અને ગોળીબાર કરીને આતંકવાદીઓના આશરે છ જૂથને ઘૂસાડવાનો પ્રયાસ કરી રહ્યું હતું. કઠુઆ જિલ્લામાં પાકિસ્તાને રોકેટ લોન્ચર અને રોકેટ ગ્રેનેડથી પણ હુમલા કર્યા હતા. ખાસ કરીને કઠુઆના બોબિયા વિસ્તારમાં આતંકીઓએ ઘૂસણખોરીના પ્રયાસ કર્યા હતા, પરંતુ સેનાએ બધી જ વળતો પ્રહાર કરીને ઘૂસણખોરી નિષ્ફળ બનાવી છે. આતંકવાદીઓ ઘૂસણખોરીનો પ્રયાસ કરતા હતા ત્યારે પાકિસ્તાની સેનાના વાહનો પણ પેટ્રોલિંગ કરી રહ્યા હતા. અહીં આશરે વીસ મિનિટ સુધી સામસામો તોપમારો અને ગોળીબાર થયા હતા. 

બીએસએફના જણાવ્યાનુસાર, અંધારનો લાભ લઈને ઘૂસણખોરીનો પ્રયાસ કરતા આતંકવાદીઓને રોકવા અમે પેરા બોમ્બની મદદથી સમગ્ર વિસ્તારમાં ઝળહળતો પ્રકાશ રેલાવી દીધો હતો. આ દરમિયાન આતંકવાદીઓ ઈજાગ્રસ્તોને લઈને ભાગતા નજરે પડયા હતા.  બીજી તરફ, રજૌરીમાં ગઈ રાત્રિથી આશરે ૧૫ કલાક સુધી ભારત પાકિસ્તાન વચ્ચે ભારે ગોળીબાર અને તોપમારો થયો હતો. 

જમ્મુ કાશ્મીરમાં ભારતીય સેનાના પ્રવક્તાએ કહ્યું હતું કે, રજૌરીમાં પાકિસ્તાની લશ્કરે પહેલા તોપમારો કર્યો હતો, પરંતુ ગઈ રાત્રિથી રજૌરીના ભીંબર ગલી સેક્ટરમાં સ્મૉલ આર્મ્સ અને ઓટોમેટિક વેપન્સથી ફાયરિંગ કરી રહ્યા છે. જોકે, વારંવાર થતા શસ્ત્રવિરામ ભંગનો અમે પણ તેમની જ ભાષામાં જવાબ આપી રહ્યા છીએ. 

 

Source:-http://gujaratsamachar.com/index.php/articles/display_article/national/national-pakistan-rocket-and-grenade-jhinkya

કાશ્મીરમાં હિઝબુલ ફરી સક્રિય : આતંકીઓનો વીડિયો સોશિયલ મીડિયામાં વાયરલ

- આતંકવાદી બુરહાન વાનીની જેમ વિડિયો જારી કરીને આતંકવાદનો પ્રચાર શરૃ

વિડિયોમાં હિઝબુલના ૧૨ આતંકવાદી એકબીજાને શુભેચ્છા આપતા અને ભેટતા નજરે પડયા : ભારતીય સુરક્ષાતંત્ર સતર્ક થયું

શ્રીનગર, તા.૨૦ ઓક્ટોબર, ૨૦૧૬

આતંકવાદી બુરહાન વાનીને ઠાર કર્યો પછી હિઝબુલ મુઝાહિદ્દીન સંગઠન નિષ્ક્રિય થયાનું મનાતું હતું, પરંતુ આ આતંકી સંગઠનના ૧૨ આતંકીઓ એકબીજાને ભેટતા અને શુભેચ્છા આપતા હોય એવો એક વિડિયો જારી થતાં ફરીથી આતંકી પ્રવૃત્તિ શરૃ કરવાની તૈયારી થતી હોય એવી અટકળ થઈ રહી છે.

સોશિયલ મીડિયામાં વાયરલ થયેલા ૪ મિનિટના વિડિયોમાં હિઝબુલ મુઝાહિદ્દીનના ૧૨ આતંકવાદીઓ બુરહાન વાનીની જેમ વિડિયોમાં ઉજવણી કરતા નજરે ચડે છે. એકબીજાને શુભેચ્છા આપતા અને ભેટતા આ આતંકવાદીઓના હાથમાં રાઈફલ્સ સહિતના હથિયારો નજરે ચડે છે. આ હથિયારો પોલીસ પાસેથી છીનવીને લેવાયા તે જ હોવાની શક્યતા છે.  ભારતીય સુરક્ષાતંત્રએ ઠાર કરેલો બુરહાન વાની આ આતંકી સંગઠન ચલાવતો હતો અને આ નવા વિડિયોમાં જે બાગ દેખાય છે એ જ બાગમાં વિવિધ વિડિયો ઉતારીને સોશિયલ મીડિયા મારફતે આતંકી પ્રવૃત્તિનો પ્રચાર કરતો હતો. બુરહાન વાની આતંકવાદી પ્રવૃત્તિમાં કાશ્મીરી યુવાનોને જોડતો હતો અને તેમને ગેરમાર્ગે દોરીને કાશ્મીરમાં આતંક ફેલાવવાનું ષડયંત્ર પાર પાડતો હતો.

Source:-http://gujaratsamachar.com/index.php/articles/display_article/national/national-errorists-viral-video-social-media

GetGovernment or Education Exam Material Online (GSG) Click Here 

સ્પ્ર્રઘાત્મક અને ગર્વમેન્ટ પરીક્ષા નીતૈયારી અને મટેરીઅલ મેળવવા માટે અહી કિલ્ક કરો.

Click Here Download Education Product Price List (GSG)

Source :-http://www.gujaratsamachar.com, http://www.sandesh.com, http://www.divyabhaskar.co.in

Products :-  CPU, Motherboard, RAM, HDD, LCD – LED, Keyboard, Mouse, DVD Writer, SMPS, Speaker, Battery, Adapter, Cooling Pad, Screen Guard, Bag, Internet Dongles, Blank CD – DVD, Pen drive, Web Camera, Microphone, Headphone, External CD Drive, Cables, Projector, Scanner, Printer, etc…
Download Internet Rate :- Show Online Price Click Here   With Service tax Final Price Click Here
Products :-  More Products List Click Here

Note :- Purchase any products just email inquiry.gsg13@gmail.com

Published By :-

Gayatri Solution Group

{ Jayesh Patel } (Live In :- Gujarat)
Website :- http://www.gayatrisolutiongroup.com/

Website :- https://sites.google.com/site/gayatrisolutiongroup/

Blog :- http://gayatrisolutiongroup.blogspot.in/

Email :- inquiry.gsg13@gmail.com

મહોરમ ટાણે કાશ્મીરમાં મોટો ધમાકો કરવા પંપોરમાં આતંકવાદીઓના ડેરા - કાશ્મીરના શોપિયાનમાં સીઆરપીએફ કાફલા પર ગ્રેનેડ હુમલો, સાત જવાન ઘાયલ

Gujarat Patel Group

( Follow Us :-  Face Book, Linked In, Twitter, Google +, Yahoo Group,  Blog, Website, )

Good News Gujarat Patel Group Create Android App Download Chick Here Server 1, Server 2, Server 3,(*Free Earn Tack Time Click Here to Download App*)

કાશ્મીરના શોપિયાનમાં સીઆરપીએફ કાફલા પર ગ્રેનેડ હુમલો, સાત જવાન ઘાયલ

- લોકોની ચહલપહલને કાબૂમાં રાખવા અમુક વિસ્તારોમાં હજુયે કર્ફ્યૂ

- શહેરી વિસ્તારોમાંથી કર્ફ્યૂ હટાવાતાં જ પોલીસ અને સેના પરના હુમલાનો સિલસિલો યથાવત્

(પીટીઆઈ)    શ્રીનગર, તા.૧૧
જમ્મુ કાશ્મીરમાં ભારતીય સેનાના જવાનો અને પોલીસ પર ઘાતકી હુમલો કરવાનો સિલસિલો હજુયે ચાલુ છે. આજે સવારે ૧૧:૪૦ વાગ્યે શોપિયાન જિલ્લામાં સીઆરપીએફની પેટ્રોલ પાર્ટી પર આતંકવાદીઓએ ગ્રેનેડથી હુમલો કર્યો હતો. આ ઘટનામાં સાત જવાનો ઘાયલ થયા હતા એમ પોલીસે જણાવ્યું હતું.

પોલીસે કહ્યું હતું કે, આ હુમલો જોતા અનુમાન લગાવાઈ રહ્યું છે કે આતંકવાદીઓને પહેલેથી ખબર હતી કે અહીંથી સીઆરપીએફ પેટ્રોલ કંપની પસાર થવાની છે. સદ્નસીબે આ ઘટનામાં કોઈ જાનહાનિ થઈ નથી. પોલીસ અને સેના સંયુક્ત રીતે આ ઘટનાની તપાસ કરી રહી છે. આ ઘટના પછી અમે સમગ્ર એરિયામાં સર્ચ ઓપરેશન પણ શરૃ કર્યું છે.

બીજી તરફ, મોહરમ અને દશેરા જેવા તહેવારને પગલે જમ્મુ કાશ્મીરના અનેક સંવેદનશીલ વિસ્તારમાં કર્ફ્યૂ લાદી દેવામાં આવ્યો છે. ૧૩ વર્ષીય કિશોર જુનૈદ અહેમદના મોત પછી ફાટી નીકળેલા તોફાનોને કાબૂમાં લેવા પહેલેથી જ અમુક વિસ્તારોમાં કર્ફ્યૂ લદાયો હતો, જે હજુયે લંબાવાયો છે. હાલ નૌશેરા, ખાનયાર, સફકદલ, રાવલપિંડી અને મહારાજ ગંજ એમ તમામ વિસ્તારમાં કર્ફ્યૂ છે.

જોકે, આ દરમિયાન પોલીસે મોટા વિસ્તારોમાંથી થોડો સમય કર્ફ્યૂ હટાવી દીધાના પણ અહેવાલ છે, જ્યારે અંતરિયાળ વિસ્તારમાં હલચલ કાબૂમાં રાખવા પ્રતિબંધો યથાવત્ રાખવામાં આવ્યા છે. બુરહાન વાનીના મોત પછી સતત ૯૫મા દિવસે અહીંના લોકોનું જનજીવન ઠપ છે. બીજી તરફ, અલગતાવાદી નેતાઓ પણ વાનીના મોતના વિરોધમાં હડતાળ સતત પાછી ઠેલી રહ્યા છે. એટલું જ નહીં, અનેક નેતાઓ જેલમાં અથવા નજરકેદ તળે હોવા છતાં કૂચ કરવાનો પ્રયાસ કરીને લોકોની ઉશ્કેરણી કરી રહ્યા છે

Source:-http://www.gujaratsamachar.com/index.php/articles/display_article/national/grenade-attack-on-crpf-convoy-in-sopiyana-of-kashmir-injuring-seven-young

મહોરમ ટાણે કાશ્મીરમાં મોટો ધમાકો કરવા પંપોરમાં આતંકવાદીઓના ડેરા

- 48 કલાકથી સરકારી ઈમારતમાં ભરાણા છે

- ત્રણ માળ બળીને ખાક થવા છતાં સેના અને આતંકવાદીઓની ટક્કર ચાલુ

J&K, તા. 12 ઓક્ટોબર 2016

પંપોરમાં છેલ્લા બે દિવસથી આતંકવાદીઓએ એક સરકારી ઈમારતને બાનમાં લીધી છે. સતત છેલ્લા અડતાલીસ કલાકથી પણ વધુ સમયથી સેના અને આતંકવાદીઓ વચ્ચે ઘર્ષણ ચાલુ છે સામ સામે ફાયરિંગ પણ ચાલુ છે તેમ છતાં આતંકવાદીઓ હાર માનવાનું નામ નથી લેતાં.

સેને દ્વારા સર્ચઓપરેશન ચાલુ જ છે. ઈડીઆઈની આ ઈમારત સાવ તુટી ફૂટી ગઈ છે. સેના ઈમારતમાં રોકેટ લોંન્ચર અને ગ્રેનેડથી હૂમલો કરવાની કોશિશ કરી રહી છે. પરસ્પર હૂમલાઓથી બિલ્ડીંગમાં વિસ્ફોટો થઈ રહ્યા છે એન્ ધૂમાડો તેમજ ધડાકાઓથી પંપોર ગાજી ઉઠ્યુપ છે. ઈમારતના ત્રણ માળ તો પૂરી રીતે સળગી ચૂક્યા છે.

સોમવારે વહેલી સવારે આતંકવાદીઓ નદીના રસ્તે આવ્યા હતા અને  ઈમારતના પાછળના ભાગથી અંદર ઘૂસ્યા હતા. સેના અને આતંકવાદીઓની મૂઠ ભેડમાં એક જવાન શહીદ થવાની ખબર હતી તો સામે પક્ષે એક આતંકી પણ ઠાર મરાયો હોવાનુ જાણવા મળ્યુ હતુ સેનાના કહેવા મુજબ ઈમારતમાં 3થી 5 આંતકવાદીઓ ભરાયા છે. આ આતંકવાદીઓ કાશ્મીરમાં મહોરમમાં કોઈ મોટો ધમાકો કરવાના ઈરાથી ઘૂસ્યા હતા.

Source:-http://www.gujaratsamachar.com/index.php/articles/display_article/national/pampore-attack-gunbattle-enters-second-day

GetGovernment or Education Exam Material Online (GSG) Click Here 

સ્પ્ર્રઘાત્મક અને ગર્વમેન્ટ પરીક્ષા નીતૈયારી અને મટેરીઅલ મેળવવા માટે અહી કિલ્ક કરો.

Click Here Download Education Product Price List (GSG)

Source :-http://www.gujaratsamachar.com, http://www.sandesh.com, http://www.divyabhaskar.co.in

Products :-  CPU, Motherboard, RAM, HDD, LCD – LED, Keyboard, Mouse, DVD Writer, SMPS, Speaker, Battery, Adapter, Cooling Pad, Screen Guard, Bag, Internet Dongles, Blank CD – DVD, Pen drive, Web Camera, Microphone, Headphone, External CD Drive, Cables, Projector, Scanner, Printer, etc…
Download Internet Rate :- Show Online Price Click Here   With Service tax Final Price Click Here
Products :-  More Products List Click Here

Note :- Purchase any products just email inquiry.gsg13@gmail.com

Published By :-

Gayatri Solution Group

{ Jayesh Patel } (Live In :- Gujarat)
Website :- http://www.gayatrisolutiongroup.com/

Website :- https://sites.google.com/site/gayatrisolutiongroup/

Blog :- http://gayatrisolutiongroup.blogspot.in/

Email :- inquiry.gsg13@gmail.com

પટેલોને બેવકુફ બનાવતી EBC અનામત યોજનાનું સૂરસૂરિયું : વટહુક્મનું બાળમરણ - પાક.થી બે બોટમાં આતંકીઓ ગુજરાત તરફ આવી રહ્યા હોવાથી એલર્ટ

Gujarat Patel Group

( Follow Us :-  Face Book, Linked In, Twitter, Google +, Yahoo Group,  Blog, Website, )

Good News Gujarat Patel Group Create Android App Download Chick Here Server 1, Server 2, Server 3,(*Free Earn Tack Time Click Here to Download App*)

પટેલોને બેવકુફ બનાવતી EBC અનામત યોજનાનું સૂરસૂરિયું : વટહુક્મનું બાળમરણ

- કાયદા શાસ્ત્રીઓનો અને અધિકારીઓનો સ્પષ્ટ મત હોવા છતાં

- સુપ્રીમ કોર્ટના આદેશ મુજબ અમલનો સરકારનો બચાવ

EBCને રદ કરતો પરિપત્ર રદ કરાયો હતો પણ હવે એ જ યથાવત રહ્યો

અમદાવાદ,સોમવાર

અનામતની માગણી સાથે પાટીદારોએ રાજ્યભરમાં આંદોલન કરતાં આખરે સરકારે પાટીદારોને બેવકુફ બનાવવા માટે ૧૦ ટકા EBC અનામત આપવાની જાહેરાત કરી હતી. સરકારનાં ઉચ્ચ અધિકારીઓ અને કાયદાના નિષ્ણાતોએ સ્પષ્ટ રીતે સરકારને જણાવ્યું હતું કે આ EBC સુપ્રીમ કોર્ટમાં ચકવાની નથી. રદ જ થશે. આમ છતાં પ્રજાના લાખો રૃપિયા કાયદાકીય લડતમાં વેડફી નખાયા છે. પરંતુ અગાઉની અપેક્ષા અને ગણતરી મુજબ ટેકનિકલ કારણોસર જ ૧૦ ટકા EBC અનામત આપોઆપ જ રદ થઇ ગઇ છે. જેને કારણે સરકારે EBC માટેનો જ વટહુકમ મોટા ઉપાડે કર્યો હતો તેનું બાળમરણ થઇ ગયું છે.

૧લી મેના દિવસે રાજ્યપાલે ઈબીસી અનામતનો વટહુકમ બહાર પાડયો હતો. પરંતુ તેને કાયદો બનાવવા માટે વિધાનસભા ગૃહમાં વિદ્યાયક લાવવું પડે પણ છેલ્લે ૨૨ ઓગસ્ટે બોલાવેલા સત્રમાં કોર્ટમાં કેસ ચાલતો હોઈ, કાયદો ઘડી શકાયો નહોતો. નિયમ મુજબ સત્ર બોલાયાના છ સપ્તાહમાં જો વિધેયક પસાર ન થઈ શકે તો વટહુકમ આપોઆપ રદ થઈ જાય છે. જેનો અર્થ થાય છે કે સરકારે ૧૦ ટકા ઈબીસી અનામતનો વટહુકમ હવે રદ થઈ ગયો છે.

ઈબીસી આપોઆપ રદ થવાનું હોઈ, સોમવારે મુખ્યમંત્રી વિજય રૃપાણી અને નાયબ મુખ્યમંત્રી નિતિન પટેલ અને પ્રદિપસિંહ જાડેજાની બેઠક મળી હતી. જેમાં આ મુદ્દે ખૂબ જ લાંબી ચર્ચા વિચારણા પણ થઈ હતી. આખરે મોડી સાંજે નિતિન પટેલે સત્તાવાર રીતે જાહેરાત કરી હતી કે, હવે સુપ્રીમ કોર્ટના ચુકાદા અંતર્ગત ઈબીસી માટે ૧૦ ટકા અનામતની જોગવાઈ મુજબ તમામ જગ્યાઓ ભરાશે.

તેઓએ ઉમેર્યું હતું કે, ૧૦ ટકા અનામતનો અમલ કરવા માટે સરકાર દ્વારા સતત પ્રયાસો કરાઈ રહ્યા છે. સુપ્રીમ કોર્ટમાં ત્રણ જજ સમક્ષ ગુજરાતનો કેસ રજૂ કરવા સરકારે ખ્યાતનામ વકીલો પણ નીમ્યા છે. સરકાર તરફે ચૂકાદો લાવવા માટે તમામ તાકાત લગાવાશે. આ કેટેગરીનાં ઉમેદવારોને ભરતીમાં અન્યાય ન થાય તે માટે અત્યારે જેટલી ભરતી થયેલી હોય તેના ૧૦ ટકા જગ્યાઓ બિન અનામત કક્ષાના આર્થિક રીતે નબળા વર્ગના ક્વોટામાંથી ભરાશે.

ઈબીસી માટે હાઈકોર્ટના ચુકાદાને ધ્યાને લઈને ૧૦ ટકા અનામતની જોગવાઈનો અમલ નહીં કરવાનો આદેશ સુપ્રીમ કોર્ટે આપ્યો છે. જ્યારે સરકારને ચાલુ વર્ષે ૬૦ હજારથી વધુ યુવાનોને સરકારી નોકરી આપવા માટેની ભરતી પ્રક્રિયા કરવી છે. આ કાર્યવાહી ચાલુ રહે એ પણ જરૃરી છે જેથી તમામ જગ્યાઓ ભરવા માટેનો સરકારે નિર્ણય કર્યો છે.

અત્રે નોંધનીય છે કે તાજેતરમાં જ એટલે કે ૨૩મી સપ્ટેમ્બરે મુખ્યમંત્રીની સૂચનાથી સામાન્ય વહીવટ વિભાગ દ્વારા ૧૦ ટકા ઈબીસી અનામતને રદ કરવાનો પરિપત્ર કરાયો હતો. જે સરકારનાં તમામ વિભાગોને મોકલાયો હતો. પરંતુ આ પરિપત્રનાં ૪ કલાક પછી ડેપ્યુટી મુખ્યમંત્રી નિતિન પટેલે આ પરીપત્રને જ રદ્દ કરી દેતો નવો પરિપત્ર જારી કરાવ્યો હતો. ત્યારબાદ બીજા દિવસે તેઓએ પ્રેસ કોન્ફરન્સ બોલાવી જાહેર કર્યું હતું કે હજુ સુપ્રીમ કોર્ટમાં કેસ ચાલુ છે અને સરકારને આશા છે કે ગુજરાતની તરફેણમાં ચૂકાદો આવે. આવા કારણોથી જ ઈબીસી વર્ગનાં યુવાનોને અન્યાય ન થાય તે માટે શરૃ કરાયેલી સરકારી ભરતી પ્રક્રિયા અટકાવી હતી. પરંતુ હવે તેનો કોઈ જ અર્થ રહેતો નથી. કારણે હવે ૧૦ ટકા ઈબીસી અનામત જ રહેતી નથી. જેથી તમામ ભરતી પ્રક્રિયા ઈબીસી વગર જ શરૃ કરાશે.

Source:-http://www.gujaratsamachar.com/index.php/articles/display_article/ahmedabad/amdavad-making-patels-fool-ebc-reserve-scheme-flop-infantile-death-of-planning-ordinance

પાક.થી બે બોટમાં આતંકીઓ ગુજરાત તરફ આવી રહ્યા હોવાથી એલર્ટ

- પાક.ની બે શંકાસ્પદ બોટ ઝડપાયાના બે દિવસ બાદ

- આતંકીઓ ૨૬/૧૧ જેવા હુમલાને અંજામ આપવાની ફિરાકમાં

ગુપ્તચર સંસ્થાઓએ કોસ્ટગાર્ડ, નેવીને ખડેપગે રહેવા કહ્યું

કરાચી, તા. ૩

ગુપ્તચર સંસ્થાઓએ ચેતવણી જારી કરી છે કે પાકિસ્તાનથી બે બોટ લઇને આતંકીઓ ભારત તરફ રવાના થયા છે. આ બોટ સમુદ્રમાં જ છે અને ગમે ત્યારે ગુજરાત અથવા તો મહારાષ્ટ્રના સમુદ્ર કીનારે આવીને આતંકીઓ હુમલાને અંજામ આપી શકે છે. જે રીતે ૨૦૦૮માં આતંકીઓએ મુંબઇ હુમલાને અંજામ આપવા માટે બોટનો ઉપયોગ કર્યો હતો તેવી જ રીતે આ વખતે પણ તેઓ સમુદ્રી માર્ગે આવીને આતંકી હુમલો કરી શકે છે. 

ગુપ્તચર સંસ્થાઓેએ આતંકીઓ આવી રહ્યા હોવાની શક્યતાઓને આધારે કોસ્ટગાર્ડ અને નેવીને એલર્ટ કરી દીધી છે. મળેલી પ્રાથમિક માહિતી અનુસાર જે બે બોટ્સ ભારત તરફ રવાના થઇ છે તેમાંથી એકને ટેકનિકલ ખામી સર્જાતા તે હાલ સમુદ્ર વચ્ચે જ અટકેલી છે. જ્યારે બીજી બોટ ભારત તરફ આવી રહી છે. આ પહેલા પાકિસ્તાનની બે શંકાસ્પદ બોટ ઝડપીને કોસ્ટગાર્ડ દ્વારા તેને પોરબંદર લાવવામાં આવી છે. અને આ સમગ્ર બોટમાં હાજર આશરે નવ લોકોની પૂછપરછ ચાલી રહી છે. 

રાજ્ય સરકારોને પણ બે દિવસ પહેલા એલર્ટ રહેવાની ચેતવણી જારી કરાઇ હતી. ભારતીય સૈન્ય દ્વારા હાથ ધરાયેલી સર્જિકલ સ્ટ્રાઇક બાદ પાકિસ્તાની આતંકીઓએ હુમલો કરવાની ચીમકી આપી હતી. જેને પગલે હાલ એલર્ટ જારી કરાયુ છે. ખાસ કરીને ગુજરાત, રાજસ્થાન, પંજાબ સરહદેથી આતંકીઓ ઘુસવાની ફીરાકમાં છે. એલઓસી પર સૈન્યની કડક કાર્યવાહીને પગલે આતંકીઓ મુંબઇમાં કરેલા હુમલા જેવા જ કોઇ હુમલા માટે સમુદ્ર માર્ગનો ઉપયોગ કરી શકે છે.

Source:-http://www.gujaratsamachar.com/index.php/articles/display_article/international/international-these-terrorists-are-coming-to-gujarat-alert

GetGovernment or Education Exam Material Online (GSG) Click Here 

સ્પ્ર્રઘાત્મક અને ગર્વમેન્ટ પરીક્ષા નીતૈયારી અને મટેરીઅલ મેળવવા માટે અહી કિલ્ક કરો.

Click Here Download Education Product Price List (GSG)

Source :-http://www.gujaratsamachar.com, http://www.sandesh.com, http://www.divyabhaskar.co.in

Products :-  CPU, Motherboard, RAM, HDD, LCD – LED, Keyboard, Mouse, DVD Writer, SMPS, Speaker, Battery, Adapter, Cooling Pad, Screen Guard, Bag, Internet Dongles, Blank CD – DVD, Pen drive, Web Camera, Microphone, Headphone, External CD Drive, Cables, Projector, Scanner, Printer, etc…
Download Internet Rate :- Show Online Price Click Here   With Service tax Final Price Click Here
Products :-  More Products List Click Here

Note :- Purchase any products just email inquiry.gsg13@gmail.com

Published By :-

Gayatri Solution Group

{ Jayesh Patel } (Live In :- Gujarat)
Website :- http://www.gayatrisolutiongroup.com/

Website :- https://sites.google.com/site/gayatrisolutiongroup/

Blog :- http://gayatrisolutiongroup.blogspot.in/

Email :- inquiry.gsg13@gmail.com

આઈબીએમએ બનાવેલું પ્રથમ પર્સનલ કમ્પ્યુટર ૩૫ વર્ષનું થયું - દિલ્હી, રાજસ્થાન અને હિમાચલમાં ભારે વરસાદ : એકનું મોત

Gujarat Patel Group

( Follow Us :-  Face Book, Linked In, Twitter, Google +, Yahoo Group,  Blog, Website, )

Good News Gujarat Patel Group Create Android App Download Chick Here Server 1, Server 2, Server 3,(*Free Earn Tack Time Click Here to Download App*)

દિલ્હી, રાજસ્થાન અને હિમાચલમાં ભારે વરસાદ : એકનું મોત

- બંગાળના ઉપસાગર પર સર્જાયેલું ડિપ્રેશન ઝારખંડ અને બિહાર તરફ આગળ વધવા આગાહી

(પી.ટી.આઈ.)    નવીદિલ્હી, તા. ૧૨
પાટનગર દિલ્હી, રાજસ્થાન અને હિમાચલ પ્રદેશમાં આજે ભારે વરસાદના અહેવાલ છે. હિમાચલ પ્રદેશમાં એકનું મોત થયું હતું. ઉત્તરપ્રદેશ, મધ્ય પ્રદેશ, છત્તીસગઢ, આસામ અને મેઘાલયમાં અતિભારે વરસાદની આગાહી કરવામાં આવી હતી.

પાટનગર દિલ્હીમાં ભારે વરસાદથી તાપમાન ઘટીને ૩૩ ડિગ્રી થયું હતું. સફદરજંગ વેધશાળાએ દિલ્હીમાં ૨૯.૬ મી.મી. વરસાદ થયાનું જણાવ્યું હતું.

હિમાચલ પ્રદેશના કાંગડામાં એક વ્યક્તિનું પૂરમાં તણાઈ જતાં મોત થયું હતું. રાજ્યમાં હાલ સુધી વરસાદને કારણે કુલ ૨૫ મોત થયાં છે. રાજ્યમાં કાંગડા, હમીરપુર, બિલલપુર જિલ્લામાં ભારે વરસાદ હતો. આ સ્થળોએ ૪૨ થી ૨૧૭ મી.મી. વરસાદ નોંધાયો હતો.

બંગાળના ઉપસાગર પરનું ડિપ્રેશન ઓડિશાના બાલાસોરથી ૨૮૦ કિલોમીટરના અંતરે સ્થિર થયું હતું. હવામાન ખાતાએ જણાવ્યા મુજબ ડિપ્રેશન ઝારખંડ અને બિહાર તરફ આગળ વધશે. કોલકાતામાં સામાન્ય વરસાદ થયો હતો બાંકુરામાં ૯.૩ મી.મી. અને આસાનસોલમાં ૧૪.૪ મી.મી. વરસાદ નોંધાયો હતો. બિહારના જમુઈ વિસ્તારમાં ભારે વરસાદ થયો હતો.

રાજ્યના અન્ય સ્થળોએ સામાન્ય વરસાદ હતો. જમુઈમાં સાત સેન્ટીમીટર વરસાદ નોંધાયો હતો.
રાજસ્થાનના મોટા ભાગના વિસ્તારોમાં ભારે વરસાદ થયો હતો. ચિત્તોડગઢના ગંગનારમાં સૌથી વધુ ૧૧ સેન્ટીમીટર વરસાદ નોંધાયો હતો. ઉત્તર પ્રદેશ તેમજ પંજાબ અને હરિયાણાના મોટા ભાગના વિસ્તારોમાં સામાન્ય વરસાદ થયો હતો.
 

Source:-http://www.gujaratsamachar.com/index.php/articles/display_article/national-delhi-rajasthan-and-himachal-pradesh-heavy-rain-one-killed

આઈબીએમએ બનાવેલું પ્રથમ પર્સનલ કમ્પ્યુટર ૩૫ વર્ષનું થયું

- ૧૯૮૧ની ૧૨મી ઓગસ્ટ IBM PC 5150 માર્કેટમાં મૂકાયું હતું

- ૧૯૮૩માં 'ટાઈમ' મેગેઝિને કવર પર 'મેન ઓફ ધ યર'ના સ્થાને કમ્પ્યુટરને 'મશીન ઓફ ધ યર' જાહેર કર્યું હતું

ન્યુયોર્ક, તા.૧૨
જગતનું સૌથી પહેલું પર્સનલ કમ્પ્યુટર (પીસી) અમેરિકન જાયન્ટ કંપની ઈન્ટરનેશનલ બિઝનેસ મશિન્સ (આઈબીએમ)એ ૧૯૮૧ની ૧૨મી ઓગસ્ટે માર્કેટમાં મુક્યુ હતું. એ કમ્પ્યુટરનું નામ આઈબીએમએ  IBM PC 5150 રાખ્યું હતું. એ પહેલા માર્કેટમાં કમ્પ્યુટરો તો ઉપલબ્ધ હતા, પરંતુ જેને પર્સનલ કહી શકાય એવા કમ્પ્યુટરો ન હતા. આઈબીએમે એવુ કમ્પ્યુટર તૈયાર કર્યું હતું, જે વ્યક્તિ પોતાની રીતે ઘરે વાપરી શકે. ૧૯૬૭માં પ્રથમ ફ્લોપી ડિસ્ક પણ આઈબીએમ દ્વારા જ તૈયાર થઈ હતી.

શરૃઆતમાં તો ઘણા ટેકનોલોજી નિષ્ણાતો માનવા તૈયાર પણ ન હતા કે આઈબીએમ આવુ કમ્પ્યુટર તૈયાર કરી શકે એમ છે. એટલે મિટિંગમાં જ એક અધિકારીએ તો એવુ પણ કહ્યુ હતું કે આઈબીએમ માટે પર્સનલ કમ્પ્યુટર તૈયાર કરવું એ હાથીને સ્ટેપ ડાન્સ શિખવવા જેવું છે. એટલે કે અત્યંત અઘરું છે અથવા અશક્ય છે. એ પછી ડોન એસ્ટ્રીજની આગેવાનીમાં ૧૨ વ્યક્તિઓની ટીમ સતત મચી પડી હતી. એ ટીમને કંપનીએ વિશેષ છૂટછાટ આપી રાખી હતી. એટલે આઈબીએમના ઈતિહાસમાં ક્યારે ન થયું હોય એ રીતે આ ટીમે માર્કેટમાંથી જોઈએ એવા પાર્ટ્સ ખરીદ્યા, બજેટમાં અનેક છૂટછાટો લીધી અને પછી નક્કી થયેલા સમયમાં પ્રથમ પીસી તૈયાર કરી દેખાડયુ.

ન્યુયોર્કમાં પ્રેસ કોન્ફરન્સ બોલાવી કંપનીએ રજૂ કરેલા આ પ્રથમ પીસીની કિંમત એ વખતે ૧૫૬૫ ડોલર રાખવામાં આવી હતી. એ કિંમતમાં આખી સિસ્ટમ એટલે કે મોનિટર, સીપીયુ, પ્રિન્ટર, બે ડ્રાઈવ, એક્સ્ટ્રા મેમરી, વગેરે જેવી સાધન સામગ્રીનો સમાવેશ થતો હતો. જેથી ઘરે લાવ્યા પછી કમ્પ્યુટર ખરેખર પર્નસલ લાગે અને ઘરેલું જરૃરિયાત પુરી કરી શકાય. આજના કમ્પ્યુટરના સ્ક્રીન કરતા તેનો સ્ક્રીન ઘણો નાનો હતો, પરંતુ ત્યારે ઉપયોગ પણ ગણતરીઓ પુરતો જ વધારે કરવાનો હતો. મોડેલમાં અપગ્રેડેશન થતું ગયું એમ કિંમત પણ વધીને ૩ હજાર ડોલર સુધી રખાઈ હતી.

માર્કેટમાં પીસી આવ્યા પછી કંપનીને અપેક્ષા કરતા વધારે રિસ્પોન્સ મળ્યો હતો. એક ડિલરે તો આવીને હજાર ડોલર એડવાન્સમાં આપીને કહ્યું કે મારે ૨૨ પીસી જોઈએ છે. ઉદ્ઘાટનના દિવસે જ ૪૦,૦૦૦ ઓર્ડર નોંધાયા હતા. બે વર્ષમાં તો કમ્પ્યુટર એટલા બધા વેચાયા કે ટાઈમ મેગેઝિને તેને કવર પર ચમકાવવું પડયું. ટાઈમ મેગેઝિન દર વર્ષે મેન ઓફ ધ યર જાહેર કરે છે, તેને બદલે આ પીસીને મશિન ઓફ ધ યર જાહેર કર્યું હતું. ઓગસ્ટમાં ઓપન કર્યા પછી માર્કેટમાં સપ્ટેમ્બરથી તેનું વિધિવત્ વેચાણ શરૃ થયુ હતું. હવે લેપટોપ, ટેબલેટ, સ્માર્ટ ફોનને કારણે પર્સનલ કમ્પ્યુટરોનો યુગ ખતમ થઈ ચૂક્યો છે. ઓફિસો સિવાય પર્સનલ કમપ્યુટરોનો વપરાશ ઘટતો જાય છે. પીસીનું વેચાણ પણ ઘટતું જાય છે.

Source:-http://www.gujaratsamachar.com/index.php/articles/display_article/international-ibma-made-the-first-personal-computer-in-35-years

GetGovernment or Education Exam Material Online (GSG) Click Here 

સ્પ્ર્રઘાત્મક અને ગર્વમેન્ટ પરીક્ષા નીતૈયારી અને મટેરીઅલ મેળવવા માટે અહી કિલ્ક કરો.

Click Here Download Education Product Price List (GSG)

Source :-http://www.gujaratsamachar.com, http://www.sandesh.com, http://www.divyabhaskar.co.in

Products :-  CPU, Motherboard, RAM, HDD, LCD – LED, Keyboard, Mouse, DVD Writer, SMPS, Speaker, Battery, Adapter, Cooling Pad, Screen Guard, Bag, Internet Dongles, Blank CD – DVD, Pen drive, Web Camera, Microphone, Headphone, External CD Drive, Cables, Projector, Scanner, Printer, etc…
Download Internet Rate :- Show Online Price Click Here   With Service tax Final Price Click Here
Products :-  More Products List Click Here

Note :- Purchase any products just email inquiry.gsg13@gmail.com

Published By :-

Gayatri Solution Group

{ Jayesh Patel } (Live In :- Gujarat)
Website :- http://www.gayatrisolutiongroup.com/

Website :- https://sites.google.com/site/gayatrisolutiongroup/

Blog :- http://gayatrisolutiongroup.blogspot.in/

Email :- inquiry.gsg13@gmail.com

આનંદીબહેનનો ટોલ ટેક્સ નાબૂદીનો અમલ ૧૫ ઓગસ્ટે શક્ય જ નથી - ગુજરાતમાં ભારે વરસાદને પગલે ૨૧ ડેમો છલકાયાં

Gujarat Patel Group

( Follow Us :-  Face Book, Linked In, Twitter, Google +, Yahoo Group,  Blog, Website, )

Good News Gujarat Patel Group Create Android App Download Chick Here Server 1, Server 2, Server 3,(*Free Earn Tack Time Click Here to Download App*)

આનંદીબહેનનો ટોલ ટેક્સ નાબૂદીનો અમલ ૧૫ ઓગસ્ટે શક્ય જ નથી

- સત્તા છોડવા હરખપદૂડા થઇ પ્રસિદ્ધિ મેળવવા કરેલી જાહેરાતનો ફિયાસ્કો

- મુખ્યમંત્રી વિજય રૃપાણીએ આટલો જલદીથી અમલ કરવાનું મુશ્કેલ જણાવ્યું

- સરકાર તારીખ નક્કી કરી રહી છે

અમદાવાદ, મંગળવાર

તત્કાલીન મુખ્યમંત્રી આનંદીબહેન પટેલ દ્વારા થોડા દિવસો પહેલા જ એવી જાહેરાત થઈ હતી કે રાજ્યનાં ધોરીમાર્ગો પર આવેલા ટોલનાકા પરથી લેવાતા ટોલટેક્સમાંથી નાગરિકોને મુક્તિ અપાશે. જેનો અમલ ૧૫મી ઓગસ્ટથી કરવાનું એલાન પણ તેમણે કર્યું હતું. પરંતુ હવે નવા મુખ્યમંત્રી આવી ગયા છે. જેથી ૧૫મી ઓગસ્ટથી ટોલટેક્સની નાબુદીનો અમલ થઈ જ જશે એ નક્કી નથી. તેનો અમલ કરવામાં થોડો સમય વધુ જાય એવી શક્યતાઓ છે.

મુખ્યમંત્રીપદેથી રાજીનામું આપતાં પહેલા આનંદીબહેન પટેલે ખુબ જ મોટા ઉપાડે ત્રણથી ચાર મોટી અને મહત્ત્વની જાહેરાતો કરીને ગયા હતા. એકાએક એ એ પણ કોઈ મંત્રીને વિશ્વાસમાં લીધા વગર રાતોરાત આ પ્રકારના નિર્ણયો કર્યા હતા.

પરંતુ ખરેખર નિર્ણય કર્યા પહેલા કે પર્યા બાદ લાગતાવળગતા ડીપાર્ટમેન્ટ સાથે પણ તેનો અમલ કઈ રીતે કરી શકાશે તેની ચર્ચા વિચારણા કરી નહોતી. હવે પાંચ દિવસ પછી ૧૫મી ઓગસ્ટ છે અને સરકારે હજુ કાર્યભાર સંભાળ્યાને બે દિવસ થયા છે.

CM અને ડે. સીએમ. સહિતનાં તમામ મંત્રીઓ અત્યારે શુભેચ્છાઓ લેવામાં વ્યસ્ત છે. હજુ ઓછામાં ઓછું અઠવાડિયા સુધી આવો માહોલ રહેવાનો છે.

જેથી ટોલટેક્સની માફીનો અમલ ૧૫મીથી જ થશે એવું અત્યારે લાગતું નથી. આ અંગે મુખ્યમંત્રી વિજય રૃપાણીનો સંપર્ક રતાં તેઓએ જણાવ્યું કે, માજી મુખ્યમંત્રી આનંદીબહેને જે કોઈ  જાહેરાતો કરી છે તે બધાનો અમલ કરાશે જ. ટોલટેક્સની નાબુદીનાં અમલની બાબત હાલમાં વિચારણા હેઠળ છે. ૧૫મી ઓગસ્ટ અમલ માટે ઘણી વહેલી લાગે છે.

તેઓએ ઉમેર્યું હતું કે આનંદીબહેનની તમામ જાહેરાતો કે નિર્ણયોનો અમલ કરાવવા માટે સરકાર પૂરતા પ્રયત્નો કરશે. ટોલટેક્સ નાબુદીનો અમલ ૧૫મી ઓગસ્ટથી જ થઈ શકે તે માટેનાં પ્રયત્નો ચાલુ છે.

 

Source:-http://www.gujaratsamachar.com/index.php/articles/display_article/anandiben-toll-elimination-is-not-possible-to-implement-the-august-15

ગુજરાતમાં ભારે વરસાદને પગલે ૨૧ ડેમો છલકાયાં

- ઉત્તર ગુજરાતના ૧૫ ડેમો પૈકી એકેય ડેમ ભરાયો નથી

- ગુજરાતમાં પાણીના સંગ્રહની ટકાવારી ૬૫.૩૮ થઇ

- સૌથી વધુ સૌરાષ્ટ્રના ૧૩ ડેમો ભરાયા

અમદાવાદ ,મંગળવાર

પાકિસ્તાન અને રાજસ્થાન પર અપરએર સરક્યુલેશન સર્જાતાં ગુજરાતમાં ભારે વરસાદ વરસી રહ્યો છે. ખાસ કરીને દક્ષિણ ગુજરાત અને સૌરાષ્ટ્રમાં મેઘરાજા મન મૂકીને વરસી રહ્યાં છે. ભારે વરસાદને પગલે ગુજરાતમાં ૨૧ ડેમો છલકાયાં છે. રાજ્યમાં ૨૦૩ ડેમોમાં હાલમાં પાણીના સંગ્રહની ટકાવારી વધીને ૬૫.૩૮ ટકા થવા પામી છે.

ઉપરવાસમાં ભારે વરસાદ વરસતાં છેલ્લા ત્રણેક દિવસથી નર્મદા ડેમ ઓવરફ્લો થયો છે. આ વખતે દક્ષિણ-મધ્ય ગુજરાતની સરખામણીમાં ઉત્તર ગુજરાતમાં ઓછો વરસાદ નોંધાયો છે પરિણામે ૧૫ ડેમોમાં એકેય ડેમ સંપૂર્ણપણે ભરાયો નથી.

ઉત્તર ગુજરાતના ડેમોમાં ૨૯.૮૭ ટકા પાણી છે. મધ્ય ગુજરાતમાં સારો વરસાદ નોંધાયો છે જેના લીધે ૧૭ ડેમોમાંથી એક ડેમ છલોછલ ભરાયો છે . મધ્ય ગુજરાતમાં પાણીનો સંગ્રહ ૬૫.૩૬ ટકા થયો છે. ૧૭ ડેમોમાં ૧૫૩૬.૮૯ એમસીએમ પાણી સંગ્રહ થયો છે. દક્ષિણ ગુજરાતમાં ૧૩ ડેમો પૈકી ૩ ડેમો છલકાયાં છે. અહીં પાણીના સંગ્રહની ટકાવારી ૬૪.૧૭ થઇ છે. કચ્છમાં પણ ૩ ડેમો સંપૂર્ણપણે ભરાયાં છે.

સૌરાષ્ટ્રમાં અત્યાર સુધી ડેમોમાં તળિયા દેખાતા હતાં. ભારે વરસાદને લીધે ૧૩ ડેમો છલકાઇ ચૂક્યાં છે. ૧૩૮ ડેમોમાં પાણીનો સંગ્રહ ૨૮.૧૦ ટકા થયો છે. માત્ર ૭૧૨.૯૧ એમસીએમ પાણી છે. નર્મદા ડેમને બાદ કરતાં રાજ્યના ૨૦૩ ડેમોમાં પાણીના સંગ્રહની ટકાવારી ૫૩.૮૩ ટકા થવા પામી છે. આમ, ભારે વરસાદને પગલે રાજ્યના કુલ ૨૧ ડેમો સંપૂર્ણપણે ભરાયાં છે. વરસાદને પગલે અન્ય ડેમો પણ પાણીના સંગ્રહની ટકાવારી વધે તેમ છે.

વલસાડ જિલ્લામાં ભારે વરસાદ-પૂરથી ૬૯.૭૪ કરોડનું નુકસાન

- વલસાડ પાલિકા વિસ્તારમાં ૧.૮૫ કરોડ, ગ્રામ્યમાં ૭૦ લાખ જ્યારે જિલ્લામાં માર્ગોને સૌથી વધુ ૪૯ કરોડનું નુકસાન

વલસાડ, મંગળવાર
વલસાડમાં આવેલા પૂરમાં સહિત જીલ્લામાં ભારે વરસાદથી કુલ રૃા. ૬૯.૭૪ કરોડનું નુકસાન થયું હોવાનો સર્વેમાં અંદાજ નીકળ્યો છે. જેમાં વલસાડ પાલિકા વિસ્તારમાં રૃા.૧.૮૫ કરોડ, ગ્રામ્ય વિસ્તારમાં રૃા.૭૦ લાખની સાથે ૩૦૫ હેક્ટર જમીનમાં ધોવાણ થતાં અંદાજિત રૃા.૧.૬૪ કરોડનું નુકશાન થયું છે.

ઔરંગા નદીમાં આવેલા ઘોડાપૂરને કારણે વલસાડમાં સર્જાયેલી ભારે તારાજીમાં શહેરી તથા ગ્રામ્ય વિસ્તારોમાં ભારે નુકશાન થયું હતું. વહીવટીતંત્ર અને સ્વૈચ્છિક સંસ્થાઓએ સત્વરે રાહતનું કાર્ય શરૃ કર્યું હતું. પૂર અસરગ્રસ્ત વિસ્તારોમાં થયેલા નુકશાનીનો સર્વે કરવા માટે વિવિધ ટીમો કામે લાગી હતી. સર્વેમાં નુકશાનીનો પ્રાથમિક અંદાજ કાઢવામાં આવ્યો છે.

જે મુજબ દક્ષિણ ગુજરાત વીજ કંપનીને રૃા.૧૧.૮૭ લાખ, માર્ગ અને મકાન પંચાયત વિભાગને રૃા.૧ કરોડ, પશુપાલન વિભાગને રૃા.૩૦ હજાર, માર્ગ અને મકાન વિભાગને રૃા.૪૯ કરોડ, શિક્ષણ વિભાગને રૃા.૬.૪૫ લાખ અને જિલ્લા પ્રાથમિક શિક્ષણ વિભાગને રૃા.૩૭ લાખનું નુકશાન થયું છે. જ્યારે ખાનગી મિલકતોને થયેલા નુકશાનીમાં પારડી પાલિકા વિસ્તારમાં રૃા.૫૩.૨૫ લાખ, ધરમપુર પાલિકા વિસ્તારમાં રૃા.૧૦.૨૫ લાખ, વલસાડ નગરપાલિકા હદમાં રૃા.૧.૮૫ કરોડ અને ગ્રામ્ય વિસ્તારમાં ૬૯.૮૧ લાખનું નુકશાન થયું છે.

આ ઉપરાંત ખેતીવાડી ક્ષેત્રે કપરાડા, ધરમપુર, વલસાડ અને ઉમરગામમાં ૩૦૫ હેક્ટર જમીનનું ધોવાણ થતાં આંબા, ચીકુ, કેળા, શાકભાજી તેમજ બાગાયતી પાકો તથા ૩૮૭ હેક્ટર જમીનમાં ડાંગર, શેરડી અને કઠોળની ખેતીમાં અંદાજિત રૃ.૧.૬૪ કરોડનું નુકશાન થયાનો અંદાજ કાઢવામાં આવ્યો છે. પૂરના કારણે ગ્રામ્ય વિસ્તારોમાંથી ૧૧,૮૮૫ વ્યક્તિઓ અને શહેરી વિસ્તારમાંથી ૧૨૦૦ વ્યક્તિઓનું સ્થળાંતર કરવામાં આવ્યું હતું. રાજ્ય સરકારે કેશડોલ, ઘરવખરી સહાય, માનવમૃત્યુ સહાય, નુકશાન પામેલા ઘરો મળી કુલ રૃા.૩.૧૦ કરોડ ફાળવી દીધા છે.

વડોદરામાં સાંબેલાધાર વરસાદઃ ૪ કલાકમાં સાત ઈંચથી જળબંબાકાર

- મેઘરાજાની જોરદાર ઈનિંગઃ શહેર જળબંબાકાર બનતા જનજીવન ઠપઃ કોર્પો.ની પોલ ખૂલી ગઈઃ આઠ વૃક્ષો ધરાશાયીઃ એક પાણીમાં ફસાયો

(પ્રતિનિધિદ્વારા) વડોદરા,મંગળવાર
મેઘરાજાએ વડોદરામાં આજે હલ્લાબોલ કરી ત્રણેક કલાક જેટલી લાંબી સાંબેલાધાર ઈનિંગ્સ ખેલતાં શહેર પાણી પાણી થઈ ગયું હતું. સર્વત્ર ઘૂંટણસમાણા ભરાયેલા પાણીમાં જનજીવન સ્થગિત થઈ ગયું હતું. અનેક સ્થળોએ વૃક્ષો પડવાની ઘટનાઓ બની હતી. આજે ચાર કલાકમાં વરસેલા લગભગ ૭ ઈંચ વરસાદે વૃક્ષો ઉપરાંત બોર્ડ - બેનરોની પણ ખબર લઈ નાખતા અરાજકતા સર્જાઈ હતી.

પ્રાપ્ત વિગતો અનુસાર ગઈ તા.૨ જુલાઈએ શહેરમાં ધમાકેદાર એન્ટ્રી સાથે ચોમાસાનો પ્રારંભ થયો એ પછી આજે પહેલી વાર મેઘરાજાએ વરસાદનો હલ્લા બોલ કર્યો હતો. પરિણામે ચોફેર જળબંબાકાર થઈ રહેતાં રાહદારીઓ અને વાહનચાલકોની બૂરે વલી થઈ હતી.

આજે બપોરે ૨ ના સુમારે શરૃ થયેલી વર્ષાએ જોતજોતામાં મુશળધાર સ્વરૃપ ધારણ કરી લીધું હતું. શહેરની એન્ટ્રી સમાન એક્સપ્રેસ વે થી વીઆઈપી રોડ, મુક્તાનંદ, અંબાલાલ પાર્ક, મેન્ટલ હોસ્પિટલ ચાર રસ્તા, બહુચારાજી રોડ, સલાટવાડા, નાગરવાડા, દાંડિયા બજાર ઉપરાંત આજવા રોડ, વાઘોડિયા રોડ, વિજયનગર, સંગમ ચાર રસ્તા, ગોત્રી- ગોરવા, વાસણા, સૂર્યા પેલેસ હોટલથી જેતલપુર રોડનો માર્ગ, પરશુરામ ભઠ્ઠા, તેમજ અન્ય માર્ગો પર પાણી ફરી વળ્યા હતા. શહેરને પરાં વિસ્તારો સાથે જોડતા રેલવે ગરનાળું, સયાજીગંજ ગરનાળું, જૂની પ્રિયલક્ષ્મી મિલનું નાળું પાણીમય થઇ જતાં વાહનોના એન્જિનોમાં પાણી ભરાઇ જતાં એને ખેંચીને લઇ જવા પડયા હતા.

દેખીતી રીતે જ આજના ભારે વરસાદે વડોદરા મ્યુ.કોર્પોરેશનની કહેવાતી પ્રી-મોન્સુન કામગીરીની પોલ ખુલ્લી પાડી દીધી હતી. વરસાદનો સમયગાળો નિયત જ હોય છે. છતાં 'અનુભવી' પાલિકા તંત્ર બિન કાર્યક્ષમ સાબિત થાય છે. વર્ષોથી આ નિષ્ફળતાનો ક્રમ જળવાઇ રહેતાં વરસાદી પાણીના સક્ષમ નિકાલની વ્યવસ્થા વિના હજારો નાગરિકો આજે પણ પારાવાર પરેશાન થયા હતાં. દ્વિચક્રી વાહનો તો ખેંચીને પણ લઇ જવાયા હતા. જ્યારે મોટર અને અન્ય મોટા વાહનો પાણીમાં ફસાઇ જતાં અનેક સ્થળોએ ટ્રાફિક જામ થઇ ગયો હતો.

આજના દે.... માર વરસાદથી સયાજીગંજ મમતા હોટલ પાસે એક માણસ ફસાઇ જતાં ેએને ફાયરબ્રિગેડના લાશ્કરોએ બચાવી લીધો હતો. ગોરવામાં અમરકાર પાસે ન્યુ સમા, રોડપર સ્પોર્ટસ, ન્યુ સમા રોડ પર સ્પોર્ટસ કોમ્પલેકસ સ્થિત નારાયણ બંગલો પાસે એસ.એસ.જી., હોસ્પીટલ સામે કીર્તિ મંદિર પાસે, સહિત આઠ સ્થળોએ ઝાડ ધરાશાયી થયા હતા. પરિણામે ફાયરબ્રિગેડના લાશ્કરોની કામગીરી વધી પડી હતી.

આજે શહેરમાં બપોરે ૨ થી ૪ દરમિયાન પાંચ મિલિમીટર, જ્યારે એ પછી ૪ થી ૬ દરમિયાન ૧૭૦ મિલિમીટર પાણી વરસતા કુલ ૧૭૫મિલિમીટર એટલે કે સાત િંચ વરસાદ શહેરમાં ખાબક્યો હતો.

Source:-http://www.gujaratsamachar.com/index.php/articles/display_article/heavy-rains-in-the-wake-of-the-21-demo-chalakayam, http://www.gujaratsamachar.com/index.php/articles/display_article/surat-69-74-crore-loss-valsad-district-heavy-rain-floods, http://www.gujaratsamachar.com/index.php/articles/display_article/baroda-deluge-was-seven-inches-in-heavy-basin-receives-most-4-hours-in-vadodara

 

GetGovernment or Education Exam Material Online (GSG) Click Here 

સ્પ્ર્રઘાત્મક અને ગર્વમેન્ટ પરીક્ષા નીતૈયારી અને મટેરીઅલ મેળવવા માટે અહી કિલ્ક કરો.

Click Here Download Education Product Price List (GSG)

Source :-http://www.gujaratsamachar.com, http://www.sandesh.com, http://www.divyabhaskar.co.in

Products :-  CPU, Motherboard, RAM, HDD, LCD – LED, Keyboard, Mouse, DVD Writer, SMPS, Speaker, Battery, Adapter, Cooling Pad, Screen Guard, Bag, Internet Dongles, Blank CD – DVD, Pen drive, Web Camera, Microphone, Headphone, External CD Drive, Cables, Projector, Scanner, Printer, etc…
Download Internet Rate :- Show Online Price Click Here   With Service tax Final Price Click Here
Products :-  More Products List Click Here

Note :- Purchase any products just email inquiry.gsg13@gmail.com

Published By :-

Gayatri Solution Group

{ Jayesh Patel } (Live In :- Gujarat)
Website :- http://www.gayatrisolutiongroup.com/

Website :- https://sites.google.com/site/gayatrisolutiongroup/

Blog :- http://gayatrisolutiongroup.blogspot.in/

Email :- inquiry.gsg13@gmail.com